LGBT Forum Progres pravoslavnim vjernicima i sveštenstvu čestita Božić s željom da cijelu godinu provedu s radošću, nadom i ljubavlju. Društvo se suočava s brojnim izazovima ali je najteža kriza čovječnosti. Zato je krajnje vrijeme da obnovimo, nađemo i njegujemo ljubav prema bližnjima.
Dobro i dobri ljudi su utjeha i pomoć. Brojne LGBT osobe, uključujući njihove roditelje i porodice, su pravoslavni vjernici. Za njih je praznik Rođenja Isusa Hrista zapravo istina na kojoj je utemeljen život i smisao svijeta i postojanja. Za pravoslavne vjerujuće LGBT osobe Isus Hrist je bogočovjek u kojem se vidi mjera i provjera svijeta i svakog čovjeka.
“LGBT Forum Progres” njeguje poštovanje prema Pravoslavnoj crkvi i posvećen je dijalogu. Snažno podržavamo univerzalnost i nedjeljivost svih ljudskih prava, uključujući i pravo na vjeru. Činjenica da su LGBT osobe drugačije seksualne orjentacije i rodnog identiteta ne umanjuje njihovu ljudskost, moralne vrijednosti, i kod onih vjerujućih, pobožnost i privrženost vjeri.
